Vatnajökulsþjóðgarður spannar allan Vatnajökul og svæði utan jökuls, samtals um 14.141 km2. Markmið þjóðgarðsins eru: Að vernda landslag, lífríki, jarðmyndanir og menningarminjar þessa mikla landsvæðis; gefa almenningi kost á að kynnast og njóta náttúru þess og sögu; auðvelda almenningi aðgengi að þjóðgarðinum eftir því sem unnt er án þess að náttúra hans spillist; veita fræðslu um náttúru, sögu og mannlíf svæðisins og styrkja atvinnuuppbyggingu í nærsveitum þjóðgarðsins.

Þjóðgarðurinn heyrir undir Umhverfis- og auðlindaráðuneytið og skiptist í fjögur rekstrarsvæði. Suðursvæði Vatnajökulsþjóðgarðs er á Suðausturlandi, að stærstum hluta innan sveitarfélagsins Hornafjarðar. Þjóðgarðsmörkin fylgja jökuljaðrinum víðast hvar en á nokkrum stöðum ná mörkin niður á láglendið. Með friðlýsingu Breiðamerkursands í júlí 2017 nær Vatnajökulsþjóðgarður í fyrsta sinn frá jökli og í sjó fram, fram að því hafði stærsta láglendissvæðið verið í Skaftafelli. Tvær gestastofur eru á suðursvæði: Í Skaftafelli og á Höfn. Í Skaftafelli er einnig rekið tjaldsvæði og veitingasala. Merktar gönguleiðir eru í Skaftafelli, Hjallanesi, Heinabergi og Hoffelli. Yfir sumarið sjá landverðir um fræðsluferðir í Skaftafelli.

Starfsemi Vatnajökulsþjóðgarðs er fjölbreytt. Í stuttu máli má segja að starfsemin felist í þjónustu við náttúru þjóðgarðsins, gesti og nærsamfélag. Starfsmenn sinna m.a. rekstri svæðis, fræðslu, samstarfsverkefnum og uppbyggingu innviða.

Hjá Vatnajökulsþjóðgarði eru eftirtaldir starfsmenn í heilsársstöðum. Allt árið um kring eru einnig starfandi landverðir og annað starfsfólk í Skaftafelli, á Breiðamerkursandi og á Höfn.

Hornafjörður

470 8330

Gömlubúð

Heppuvegi 1

780 Höfn

Helga Árnadóttir

Aðstoðarmaður þjóðgarðsvarðar

Símanúmer: 470 8331 / GSM: 842 4374

Netfang: helga@vjp.is

Steinunn Hödd Harðardóttir

Sérfræðingur

Símanúmer: 470 8332/ GSM: 842 4373

Netfang: steinunnhodd@vjp.is

Skaftafell

470 8300

Skatafellstofa

785 Öræfi

Regína Hreinsdóttir

Þjóðgarðsvörður

Símanúmer: 470 8301 / GSM: 842 4370

Netfang: regina@vjp.is

Hrafnhildur Ævarsdóttir

Sérfræðingur

Símanúmer: 470 8302 / GSM: 842 4372

Netfang: hrafnhildur@vjp.is

Sigrún Sigurgeirsdóttir

Rekstarstjóri minjagripaverslunar

Símanúmer: 470 8303 / GSM: 842 4235

Netfang: sigrun@vjp.is