Háskólanemar

Nýheimar þekkingarsetur býður alla háskólanema, hvort sem er í stað- eða fjarnámi velkomna í Nýheima til lengri eða skemmri tíma.


Setrið leggur áherslu á að skapa hvetjandi námsumhverfi fyrir nemendur þar sem þeim gefst kostur á að vera hluti af fræðasamfélagi og stunda nám á eigin forsendum í heimabyggð.

Háskólanemar sem nýta þjónustu og aðstöðu í Nýheimum fá aðgang að lesrými, læstum skáp, eldhúsi, kaffistofu, mötuneyti FAS, interneti og fundaraðstöðu í samráði við verkefnastjóra. Nemar sem nýta aðstöðuna gera námsaðstöðusamning við setrið en aðstaðan er nemum að kostnaðarlausu á opnunartíma Nýheima. Fyrir þá nema sem vilja nýta sér húsnæði Nýheima utan opnunartíma þá er í boði að fá lykil að aðstöðunni gegn 5.000 kr. tryggingu sem endurgreiðist við samningslok.


Bókasafn á Menningarmiðstöð Hornafjarðar er einnig í góðu samstarfi við nema. Þar gefst öllum kostur á að eignast bókasafnskort og fá almenna bókasafnsaðstoð, m.a. vegna heimildaleitar, millisafnaláns, prentunar, ofl.


Nemendur sem nýtt hafa aðstöðu og þjónustu setursins koma úr röðum flestra háskóla landsins auk erlendra skóla. Allir háskólanemar eru velkomnir í Nýheima og hvattir til að nýta sér aðstöðuna.


Yfir veturinn er húsnæði Nýheima opið mánudaga til fimmtudaga kl.7:30-17:00, föstudaga kl.7:30-16:00 og á laugardögum kl.11:00-15:00.