OPNUN – HARMLJÓÐ UM HEST – LAMENT FOR A HORSE

Home / Event / OPNUN – HARMLJÓÐ UM HEST – LAMENT FOR A HORSE
Home Viðburðir OPNUN – HARMLJÓÐ UM HEST – LAMENT FOR A HORSE

OPNUN – HARMLJÓÐ UM HEST – LAMENT FOR A HORSE

Svavarssafn býður alla velkomna á opnun sýningarinnar Harmljóð um hest næstkomandi laugardag, 26. febrúar, kl. 16. Hlynur Pálmason, myndlistar- og kvikmyndargerðarmaður er Hornfirðingum vel kunnur, en hann er best þekktur fyrir kvikmyndir sínar Vetrarbræður og Hvítur, hvítur dagur.
Ljósmyndaverkið Harmljóð um hest varpar sjónrænu og grafísku ljósi á rotnunarferli hests í náttúru Íslands. Verkið er að sögn Hlyns sjónrænn sorgarsálmur, eins konar virðingarvottur til íslenska hestsins sem spilað hefur veigamikið hlutverk í mótun og sögu Íslands. Hlynur hefur lengi haft áhuga á að kanna hvernig umhverfið mótar okkur, hversu nátengd við erum náttúrunni og hvernig hún endurspeglar hugsanir okkar og tilfinningalíf. Verkið er leið Hlyns til að kanna hið mannlega og hið náttúrulega, hvernig ólík blæbrigði veðráttu og tilfinninga birtast og breytast frá einni árstíð til annarrar, og hvernig andstæðir pólar eins og birta og myrkur, mýkt og harðneskja, fegurð og ljótleiki móta bæði náttúru og einstaklinga.
Sýningarstjóri er Ástríður Magnúsdóttir.

The event is finished.

Næstu viðburðir

No event found!