Nýheimar þekkingarsetur hafa tekið saman uppfærðan lista yfir þau fjarnámskeið sem verða í boði. Framboðið er einstaklega fjölbreytt í ár, og hentar jafnt þeim sem vilja efla sig í starfi, bæta tungumálakunnáttu, styrkja stafræna færni eða læra eitthvað alveg nýtt.

Á meðal námskeiða sem hefjast á næstu vikum eru íslenskunám á mismunandi hæfnistigum, enskunámskeið, ýmis fagnámskeið fyrir heilbrigðis- og félagsþjónustu, tölvu- og stafræn færni, skapandi námskeið og námskeið á sviði rekstrar, gæðamála og verkefnastjórnunar.

Við hvetjum alla íbúa til að kynna sér valkosti vel og athuga skráningarskilyrði hvers námskeiðs. Margir geta einnig sótt um styrki hjá stéttarfélögum til að lækka kostnað.

Uppfærðan lista yfir öll námskeiðin má finna hér: nyheimar.is/fjarnam

Markmið Nýheima þekkingarseturs á sviði menntunar er að efla menntun og miðlun þekkingar í samstarfi við mennta-, fræðslu- og rannsóknastofnanir. Setrið leggur sérstaka áherslu á gott framboð sveigjanlegs náms fyrir íbúa svæðisins og hvetur alla til að nýta sér þau fjölbreyttu námstækifæri sem í boði eru.