Í dag hefst lokaprófatörn háskólanna hjá Nýheimum þekkingarsetri.

Frá því setrið hóf að þjónusta háskólanema haustið 2017 hefur fjöldi prófa á önn verið mjög breytilegur, frá engum (v/Covid) og hátt upp í 80.
Háskólarnir hafa brugðist við covid með mismunandi hætti en gera má ráð fyrir því að aukin áhersla sé nú á fjarnám, verkefnaskil og heimapróf.
Nú á þessari próftörn eru 22 lokapróf skráð í Nýheimum hjá ellefu nemendum.

Allir háskólanemar eru velkomnir til að nýta sér aðstöðu og prófaþjónustu Nýheima.
Margir nemar stunda fjarnám frá Hornafirði alla önnina en einnig eru margir háskólanemar sem nýta sér prófþjónustu okkar til að komast fyrr heim í jóla- og sumarfrí.
Gjaldtaka fyrir hvert próf er 4000kr. og greiða nemendur að hámarki fyrir fjögur próf á önn.
Önnur þjónusta við háskólanema er gjaldfrjáls en umsjón með þjónustunni hefur Kristín Vala, verkefnastjóri setursins (kristinvala@nyheimar.is).