Námsaðstaða háskólanema í COVID

Home / FRÉTTIR / Námsaðstaða háskólanema í COVID

Haustið er komið og starfsemi háskóla landsins er byrjuð af fullum krafti en með breyttu sniði og eru óvenjumargir háskólanemar í fjarnámi um þessar mundir.

Námsaðstaða utan heimilis er í mörgum tilfellum nauðsynleg fyrir einbeitingu nema.

Háskólanemar í Hornafirði eru allir velkomnir að nýta sér þá námsaðstöðu sem í boði er í Nýheimum.

Aðstaðan er háskólanemum að kostnaðarlausu og aðgengileg á opnunartíma Nýheima kl.7:30-17:00 á virkum dögum og laugardaga kl.11-15.

Einnig geta nemar gert námssamning við Nýheima þekkingarsetur og fengið aðgang að húsinu umfram opnunartíma þess.

Nýir básar með átta borðum og skrifborðsstólum auk sófa eru í námsaðstöðunni..

Námsaðstaðan er sótthreinsuð daglega en einnig eru bæði handspritt og sótthreinsir fyrir snertifleti aðgengileg í rýminu.

Minni nema á að virða fjarlægðir milli einstaklinga, spritta vel og vera heima ef einkenni eru til staðar.

Frekari upplýsingar fást hjá Kristínu Völu í Nýheimum eða tölvupósti kristinvala@nyheimar.is.