Föstudaginn næst komandi, þann 19. júní, eru liðin 100 ár frá því að konur fengu kosningarétt á Íslandi. Af því tilefni verður haldin afmælisveisla með veglegri dagskrá á Höfn. Dagskráin hefst í hádegismat á Hótel Höfn kl. 12:30; flutningi baráttuljóða íslenskra kvenna; hornfirski \”Refillinn\” settur upp í Nýheimum, Druslugöngu; og lýkur með kvennatónleikum í Sindrabæ kl. 24:00.
Hornfirðingar eru hvattir til að taka þátt í deginum, njóta viðburðanna og minnast baráttunnar fyrir mannréttindum kvenna á Íslandi.
Sjá nánar á heimasíðu Hornafjarðarsafna.
Áfram Stelpur