Framhaldsskólinn í Austur-Skaftafellssýslu starfar samkvæmt lögum um framhaldsskóla nr. 92/2008. Skólinn starfar undir yfirstjórn menntamálaráðherra. Hlutverk FAS er að starfrækja námsbrautir til stúdentspróf, bjóða upp á starfsnám í samræmi við eftirspurn hverju sinni og að gefa nemendum kost á að ljúka því námi sem þeir skipuleggja sjálfir í samráði við skólann.

Skólastarfið tekur mið af umhverfi skólans og atvinnuháttum byggðarlagsins. Nemendur fá tækifæri til að vinna að náttúrufarsrannsóknum og einnig er fjallamennskunám í boði þar sem útivist og ferðaþjónusta eru fléttuð saman við mannlíf og náttúru í Vatnajökulsþjóðgarði.

Skólinn sinnir samvinnu við stofnanir, skóla og atvinnulíf um starfstengt nám, s.s. á sviði heilbrigðisþjónustu, sjómennsku og ferðamála. Einnig starfrækslu Vöruhússins í samvinnu við Grunnskóla Hornafjarðar og Sveitarfélagið Hornafjörð þar sem fram fer list- og verkgreinakennsla og kennsla nýsköpunargreina og frumkvöðlastarfsemi. Þá tekur skólinn þátt í samstarfsverkefnum við erlenda skóla og nemendahópa um fjölbreytt verkefni, s.s. umhverfi, náttúru, samskipti, menningu og fleira.