Nýheimar þekkingarsetur hefur umsjón með fjarprófum háskólanema í Hornafirði.

Allir háskólanemar sem hyggjast nýta sér þjónustu setursins og taka próf frá sínum skólum á Höfn eru hvattir til  skrá prófstað sinn á Höfn hjá sínum skóla, þetta er hægt að gera í Uglunni. Þetta á við fjarnema sem og staðnema og veitir því staðnemum sveigjanleika til að koma fyrr heim í Hornafjörð í próftörnum fyrir jól- og sumarfrí.

Setrið hefur frá 2017 haft umsjón með fjarprófum í samstarfi við háskóla landsins. Nemendur greiða hóflegt gjald vegna fjarprófa eða 4.000 kr. hvert próf, þó að hámarki 16.000 kr. á önn. Í undantekningartilfellum greiðir skólinn fyrir þessa þjónustu.
Próftökugjald er skv. gjaldskrá Háskólafélags Suðurlands og því sama verð fyrir alla nema á Suðurlandi. 
Þekkingarsetrið á í samstarfi við Fræðslunet Suðurlands og Framhaldsskóla Austur-Skaftafellssýslu um aðstöðu vegna próftöku. Í lok hverrar annar sendir setrið út reikninga og innheimtu í banka til próftaka annarinnar.

Í öllum tilfellum þarf háskólinn að koma leiðbeiningum og prófum til setursins en það getur flýtt fyrir ferlinu ef nemar benda sjálfir á réttan tengilið.

Umsjón með þjónustu við háskólanema hefur Kristín Vala (kristinvala@nyheimar.is)